வாகை சூட வா

வகுப்பு வாரியாக தேர்வு தனித்தனியாக நடைபெறும்.

முதல் நிலைத் தேர்வானது இணையவழியில், சரியான விடையைத் தேர்ந்தெடுக்கும் தெரிவுசெய் முறைப்படி நடக்கும். மொத்த மதிப்பெண்களில் 40% க்கும் மேல் மதிப்பெண் பெறும் மாணாக்கர்கள் அடுத்த நிலைக்கு நகர்வர்.

இரண்டாம் நிலைத் தேர்வானது அந்தந்தப் பகுதிகளில் ஒருங்கிணைந்த மையங்களிலோ அல்லது அதிக பங்கேற்பாளர்களின் எண்ணிக்கையைக் கொண்ட பள்ளிகளில் நேரடியாக நடைபெறும்.

பங்கேற்கும் அனைத்து மாணாக்கர்களுக்கும் சான்றிதழ் வழங்கப்படும். ஒவ்வொரு பிரிவிலும் முதல் 05 இடங்களைப்பெறும் தமிழ்ச்செல்வங்களுக்கு 'சிறந்த தமிழ் மாணவர்' விருதும், நிலைக்கேற்ப சிறப்புப் பரிசுகளும், சான்றிதழ்களும் வழங்கப்படும்.

அதிகப்படியான பங்கேற்பாளர்களைப் பங்குபெறச்செய்யும் கல்வி நிறுவனம், அதிகப்படியான தேர்ச்சி மாணாக்கர்களைக் கொண்ட கல்வி நிறுவனங்களின் பள்ளித் தலைமையாசிரியர் மற்றும் ஒருங்கிணைப்பாளர்களுக்கு சிறப்பு முன்னெடுப்பிற்கான பாராட்டு மற்றும் விருதுச் சான்றிதழ் வழங்கப்படும்.

ஒவ்வொரு நிலையிலும் போட்டிகளில் கலந்துகொள்வதற்கான விரிவான நெறிமுறைகள் மற்றும் மாதிரி வினாத்தாள்கள் அவ்வப்போது வழங்கப்படும்.

ஒரு வகுப்பிலிருந்து எத்தனை மாணாக்கர்கள் வேண்டுமெனினும் உரிய கட்டணத்தைச் செலுத்தி பங்கேற்றுக்கொள்ளலாம். மாணாக்கர்களின் பட்டியலை விரிதாளில் பூர்த்திசெய்து info@vaagaitamilsangam.com மின்னஞ்சலுக்கு அனுப்பவேண்டும்.